Қаз
Рус
Халық жазушысы, ақын Исраил Сапарбай 85 жасына қараған шағында өмірден өтті
Ақынның таңғы сағат 04:00 шамасында Қаскелеңдегі үйінде ауыр науқастан қайтыс болғанын Жазушылар одағы төрағасының орынбасары Қасымхан Бегманов хабар жеткізді, - деп хабарлайды "Opennews.kz" ақпарат агенттігі.
«Бүгін таңнан суық хабар жетті. Таңғы сағат төрт шамасында 85 жасына қараған шағында Қазақстанның халық жазушысы, Тәуелсіз «Платиналы Тарлан» сыйлығының лауреаты, аса көрнекті ұлт ақыны, белгілі драматург, талантты сазгер Исраил Сапарбай ағамыз дүниеден өтті. Ұлы ақынның Қаскелеңдегі қара шаңырағында, бала-шағасының алдында ауыр науқастан қайтқаны жайлы хабарды маған ағамыздың ұлы Нұрлан Исраилұлы бауырым хабарлады. Қазақстан Жазушылар одағының Төрағасымен бірге ағамыз қатты ауырып жатқанда, ауруханаға барып, үнемі хабар алып тұрдық. Соңғы барғанымызда күбірлеп, ақырын өз өлеңін оқып жатты…, — деп жазды ол әлеуметтік желідегі парақшасында.
Исраил Сапарбай қазақ поэзиясында өзіндік қолтаңбасы бар, ұлт руханиятына өлшеусіз мұра қалдырған көрнекті қаламгер еді.
