Аманкелді ауданында Байтұрсынов мемориалы ашылады

Ұлт ұстазы Ахмет Байтұрсынұлының 150 жылдығына орай Аманкелді ауданында Байтұрсынов мемориалы ашылады, - деп хабарлайды "Opennews.kz" ақпарат агенттігі.

Талғатбек Әбдіқожа, тілші: Туристік кешенде іргетасы қаланып құрылысы аяқталуға жақын қалған нысанның бірі осы. Сырттай қарағанда киіз үй не күмбезге ұқсатарсыз. Алайда мұның мән маңызы бөлек. Бұл саонау сақ дәуірінде қолданылған моншаның заманауи үлгісі. Жалпы аумағы жеті гектар жерді алып жатқан орталықта осындай 12 нысан бой көтереді. Олардың әрқайысының өзіндік ерекшелігі бар. Олар әлемнің жеті кереміне кіретін ерекше нысандардың кішірейтілген үлгісі ретінде салынады.

Ал мынау Мексикадағы ең көне әрі танымал Чичен-Ица мемориалының қазақша нұсқасы. Қазақша дейтініміз мұнда қазақ ұлты үшін еңбек еткен тұлғаларға арналып, ескертіш тас орнатылады. Қазір нысанның шатыры жабылып, едені төселіп жатыр. Құрылысшылар күзге дейін жұмысты аяқтауға ниетті.   Сапар

Ысқақов, туристік кешеннің авторы:Бесінші сентябрде қазақтың ұлы тұлғасы Ахмет Байтұрсыновтың 150 жылдығы. Соған арнап мына мемориал деген ғимаратты салып жатырмыз. Оның ішінде 12 адамның дене топырағы болады. Басына қойылған белгі болады. Соның ішінде біреуі Ахмет Байтұсырынов. Оның сыртында Торғай өңірінде туып, күллі қазақ еліне белгілі болған тұлғалар. Оның ішінде айта кетсек мысалы Шақшақ Жәнібек, Ыбырай Алтынсарин, Аманкелді Иманов, Кейкі батыр. Ахмет Байтұрсынов, Ахмет Бірімжанов сол сияқты мысалы 12 адам. 

Туристік кешен сәтті аяқталса ауданның мақтанышы әрі тарихи мәдени орталығына айналады. Өйткен мұндағы әрбір нысанның өз тағылымы бар. Мәселен мына еслік қабырғаның бір бетіне  шет елде билік құрып, сол жақта жерленген бабаларымыздың есімі жазылса, екінші жағына туған елде жерленген ер тұлғалар туралы ақпарат беріледі. Оның бәрі КЮар код арқылы қолжетімді болады. Сондықтан өскелең ұрпаққа танымдық мәні зор.  Жергілікті тұрғындардың әлеуметтік –экономикалық жағдайын көтеруге де септігі тиеді. Болат

Алпысбаев, Аманкелді ауданы әкімінің орынбасары:Бүгінгі таңда 35-40 адам жұмыс жасап жатыр. Құр жұмыс жасамай бұл жерде жаңа технологияны, бұрын істеп көрмеген гранит басқа да тастармен жұмыс жасап, соны игеріп жатыр. Екінші жағынан біздің ауданымызға бұл жақсы. Туристер келеді. Жұмыс жасайды осы жерде, тарихпен танысады. Облыс тарапынан 47 миллионға автотұрақпен көмектесіп жатыр. Соның жарықтандыруы бар. Сосын А. Байтұрсыновтың көшесі осы туристік кешенге келіп тіреліп, соның жолы жөнделіп жатыр. Осының бәрі алдағы уақытта жақсы серпін береді деп ойлаймыз. 

Торғайдың болашағы туризмде. Өйткені мұнда әлемде сирек кездесетін геоглифтер бар. Олар аз зерттелген. Тылсым құбылысқа шетелдік қызығушылар көп. Егер зерттеу басталып, танымалдығы артса, туристік кешен солар үшін де сапалы қызмет ұсанытаны орынға айнала алады. Айта кетйік, құрылыс 2025 жылы толық аяқталады деп жоспарланып отыр. Талғатбек Әбдіқожа, Самат Бекбатыров