Қазақстан халқының саны туралы мәлімет жаңарды
Ұлттық статистика бюросы 2025 жылғы 1 наурыздағы жағдай бойынша, Қазақстан халқының санын жариялады, - деп хабарлайды "Opennews.kz" ақпарат агенттігі.
Бюро мәліметінше, 2025 жылғы 1 наурыздағы жағдай бойынша елде 20 316 155 адам болған.
Қазақстандағы ең халқы көп өңірлер Алматы қаласы мен Түркістан облысы: бұл өңірлерде тиісінше 2 300 876 және 2 154 130 адам тұрады.
Халқының саны 1 миллионнан асқан бес өңір бар:
Алматы облысы – 1 566 257 адам,
Астана – 1 544 142 адам,
Шымкент – 1 261 709 адам,
Жамбыл облысы – 1 221 439 адам,
Қарағанды облысы – 1 133 524 адам.
2025 жылғы 1 наурыздағы жағдай бойынша, қала және ауыл халқының арақатынасы келесідей:
қалаларда – 12 813 769 адам,
ауылдарда – 7 502 386 адам тұрған.
Жыл басымен салыстырғанда ауыл халқы шамамен 8 мың адамға азайған, ал қала халқы 40 мыңнан астам адамға артқан.
