Биыл 3 000 қазақстандық әскери дайындыққа шақырылады
Қорғаныс министрлігі 2025 жылы қанша қазақстандық әскери дайындыққа шақырылатынын мәлімдеді, - деп хабарлайды "Opennews.kz" ақпарат агенттігі.
Қорғаныс министрі 2025 жылы 20 наурыздағы № 301 бұйрыққа қол қойды.
"2025 жылы 3000 мерзімді әскери қызметкер әскери дайындыққа шақырылады", – делінген бұйрықта.
Бұл әскери оқу-жаттығу жиындары 2007 жылдан бері жыл сайын өткізіліп келеді. Ол 30 күнге дейін созылады.
“Әскери міндеттілердің әскери дайындықтан өту кезеңінде жұмыс орны мен атқаратын лауазымы сақталады. Оларға орташа жалақы, ал жұмыс істемейтіндерге мемлекет есебінен ең төменгі жалақы төленеді. Әскери қызметкерлерді оқу-жаттығу жиындарына әкелу және кері қайтару жұмыстары теміржол немесе автомобиль көлігімен жүзеге асырылады. Ал олардың тамақтануы Қорғаныс министрлігінің қаражаты есебінен қамтамасыз етіледі”, – делінген хабарламада.
