Қарағанды облысында сібір жарасын жұқтырғандар саны артуда
2 527
Сібір жарасы салдарынан Қарағанды облысы елді-мекендерінің бірінде карантин енгізілді,- деп хабарлайды "Opennews.kz" ақпарат агенттігі.
Сібір жарасы салдарынан Қарағанды облысы елді-мекендерінің бірінде карантин енгізілді.
«Шектеу іс-шаралары Қарағанды облысының Топар кентінде сібір жарасы жағдайының анықталуына байланысты енгізіледі», - делінген бейсенбідегі хабарда.
Аталмыш ақпаратты Топар әкімдігінің баспасөз қызметі растады.
«Кентке кіре берісте Абай қаласы жағынан автомобильдерді санитарлық өңдеуге арналған пост орнатылды. Карантиндік шараларды сақтау үшін Жартас жағынан кентке екінші кіру уақытша жабылды. Сондай-ақ, мал мен сүт өнімдерін әкелуге және әкетуге тыйым салынды, мал союға және мал азығы мен жемшөп қоспаларын аумақтан әкетуге тыйым салынды. Бұл шара аулалардың бірінде сібір жарасының жергілікті жағдайы табылғанына байланысты», - деп түсіндірді әкімдік.
Хабарда атап өтілгендей, кентте барлық қажетті ветеринариялық және санитариялық - эпидемиологиялық іс-шаралар жүргізіліп жатыр.
«Жағдай уәкілетті қызметтердің бақылауында", - деп сендірді ведомстводан.
Сібір жарасы – ауыл шаруашылық малдары мен жабайы аңдардың барлық түрінде кездесетін аса қауіпті жұқпалы ауру, сонымен қатар адамдар арасында да кездеседі, кейде ол ауру жұққан алғашқы күндері –ақ өлімге алып келеді.
