Көкшетауда облысында коронавируспен ауырғандардың 99 пайызы вакцина алмағандар

«Ashyq» қосымшасының көмегімен Көкшетауда үй карантині талабын бұзған 661 адам анықталды- деп хабарлайды Opennews.kz ақпарат агенттігі.

Көкшетау қаласында «Ashyq» жобасына 800-ден астам кәсіпкерлік нысаны қатысады. Жобаның тиімділігі коронавирус инфекциясымен ауыратын науқастарды және үй карантині режимін бұзған байланыста болған адамдарды анықтаумен расталады.

Бұл туралы брифингте Көкшетаудың бас мемлекеттік санитарлық дәрігері Қанат Ысқақов мәлім етті. Анықталғандай 661 адамның, 478-і «қызыл», 138-і «сары» мәртебесі бар.

"235 адам жалпы сомасы 8 млн 255 мың 360 теңгеге әкімшілік жауапқа тартылды", - деді Ысқақов.

Карантин режимін бұзған 159 адам Қазақстанның өзге өңірлерінің тұрғындары болып шықты. Олар бойынша шаралар қабылдау үшін ақпарат тұрғылықты жеріне жіберілді.