Қазақстанда «Pfizer» препаратының алғашқы дозасын 1 165 695 адам алды

 Қазақстанда коронавирус инфекциясына қарсы  40 006  жүкті әйел вакцина салдырды, - деп хабарлайды Opennews.kz ақпарат агенттігі. 

Сондай-ақ ел өңірлерінде жасөспірімдерді, жүкті әйелдер мен бала емізетін аналарды «Pfizer» вакцинасымен егу жалғасып жатыр. 

30 мамырдағы мәліметке сәйкес, «Pfizer» препаратының алғашқы дозасын 1 165 695 адам, екінші дозасын 1 044 794 адам алды. Оның ішінде: І компонентімен 852 599 – жасөспірім, 40 006 – жүкті әйел, 141 768 – бала емізетін әйел. ІІ компонентімен 806 119 – жасөспірім, 35 889 – жүкті әйел, 130 660 – бала емізетін әйел.