Қызылордада 62 сотталған вакцинаның 4 компонентін алды

202
Қызылорда облысының түзеу мекемелерінде екпе салудың  төртінші кезеңі  жүргізілуде. Екпе салудың алғашқы күнінде ЗК-169/4 мекемесінде  62 сотталған адам вакцинаның төртінші компонентін алды,- деп хабарлайды Opennews.kz ақпарат агенттігі.

 - Алдымен №3 емхана дәрігер мамандары сотталғандарға  егу препараты туралы ақпараттық түсіндірме жұмысын жүргізіп, денсаулығын тексерген соң,  сотталған сауалнама толтыру арқылы өздерінің екпеге келісетіндігін білдірді.

 Алғашқылардың бірі болып  вакцинаның төртінші компонентін ЗК-169/4  мекемесінде жазасын  өтеп жатқан Болат есімді сотталған алды. Ол өзінің осы мекемеде жазасын өтеп жүріп  вакцинацияның үш компонентін алғанын , бүгін төртіншісін алып тұрғанын айтты. 

- Темір торда отырсам да, қоғамда  қайта белең ала бастаған қауіпті індеттің  таралуына алаңдаулымын. Денсаулық адамның бірінші байлығы.Сол үшін өзімнің және өзгелердің денсаулығына қауіп келтірмеу мақсатында «Inactivated" вакцинасын салдырдым. Жаза мерзімімнің аяқталуына тоғыз ай уақыт қалды. Екпені өзім үшін отбасымның амандығы үшін алып отырмын. Бұған дейін  салынған екпеден ешқандай жанама әсері байқалмады»,- деді сотталған азамат

 ҚАЖ департаментінің сотталғандарды  медициналық қамтамасыз ету тобының  санитар дәрігері  Шаймбетова Меруерттің айтуынша,   COVID-19-ға қарсы вакцина облыстағы түзеу мекемелеріндегі сотталғандардың келісімімен салынады. Мекемеге сот үкімімен жаза өтеуге жіберілген сотталғандардың арасында екпенің бірінші компонетін алып жатқандар да бар.  Үшінші екпені салдырған соң 6 ай өткен сотталғандар төртінші компонентін салдыртып жатыр. Қазіргі кезде, коронавирустық инфекциясының тіркелуі бойынша Қызылорда облысы жасыл аймақта тұр. Дегенмен, сотталғандар тарапынан екпені қарсылықсыз салдыртып, өз денсаулығына жауапкершілікпен қарайтындар қатары көптігі қуантады. 

Дана Достанова
Қызылорда облысы бойынша ҚАЖД