Дәрігерлер 4 жасар қыздың оқшауланған трахеоөңеш жыланкөзін жойды

18 қыркүйек 2023, 17:03

2 323

Педиатрия және балалар хирургиясы ғылыми орталығының дәрігерлері 4 жасар қыздың оқшауланған трахеоөңеш жыланкөзін жойды, - деп хабарлайды "Opennews.kz" ақпарат агенттігі Қазақстан Республикасы Денсаулық сақтау министрлігінің ресми сайтына сілтеме жасап.

Баланың ата-анасының айтуы бойынша туған кезінен бастап су мен сұйық тағамды ішу кезінде пневмонияның жиі кездесетін құбылыстары туындағанын байқаған.

Трахеоөңеш ОҚК-да тек осы жылы КТ кезінде анықталды. ПБХО дәрігерлерінің консультациясынан кейін бала әрі қарай зерттеп– қарау және емдеу тәсілін шешу үшін шұғыл түрде Орталыққа жіберілді. Трахеоөңеш жыланкөзі (трахеоэзофагеалдық фистула) – трахея мен өңештің арасындағы қалыптан тыс байланысты қолдайтын туа біткен кемістік. Туа біткен трахеоөңеш жыланкөзі эмбриогенездің 4-6 аптасында бастапқы ішек пен тыныс алу түтігінің толық бөлінбеуінде пайда болады. Туа біткен трахеоөңеш жыланкөзі 3000 жаңа туған нәрестенің 1-інде анықталады. Оқшауланған фистулалар өңештің дамуындағы барлық кемістіктердің 3-4%-нан аспайды.

Педиатрия және балалар хирургиясы ғылыми орталығына түскеннен кейін кешенді зерттеулер жүргізілді: өңештің рентгендік контрастты зерттеуі, бейнеэзофагастроскопия, фибробронхоскопия, олардың деректері бойынша туа біткен трахеоөңеш жыланкөзі диагноз расталды.

Операция алдындағы дайындықтан кейін - мойын медиастенотомиясы, трахеоөңеш жыланкөзін жою операциясы жасалды. Операция барлығы бір сағаттан астам уақытқа созылды. Операцияны ПБХО білікті дәрігерлері, өз ісінің тәжірибелі мамандары жүргізді: хирургиялық блоктың басшысы, м.ғ. к. Хаиров Константин Эдуардович, хирург,. № 1 хирургия бөлімшесінің меңгерушісі, Қалабаева Мөлдір Махсутханқызы, дәрігер-эндоскопист, хирург Шиланбаев Нышанбек Ратбекұлы.

«Бұл педиатриядағы ерекше, сирек кездесетін жағдай. Біз бұл диагнозды осы жастағы балада бірінші рет кездестірдік. Бұл көбінесе өңеш стенозымен немесе өңеш артрезиясымен бірге жүреді. Оқшауланған трахеоөңеш жыланкөзі - бұл өңеш пен трахея арасындағы байланыс арнасы бар сирек кездесетін туа біткен ақау. Қарапайым тілмен айтқанда, трахея мен өңеш арасындағы тесікке байланысты үнемі тамақ өкпеге түсіп отырды, нәтижесінде пневмония және қабыну пайда болады. 4 жасқа дейінгі балада бұл патология анықталмаған еді. Қызда операциядан кейінгі кезең біркелкі өтті. Қазіргі уақытта сұйықтықты ішу кезінде қақалу байқалмайды. Ол сауықты, жарасы жазылды. Қазір бала ауруханадан шығуға дайындалып жатыр», - деді ПДХО операция жасайтын хирургы Константин Хаиров.