Денсаулық министрлігі коронавирус бойынша мәлімет берді

Өткен тәулікте коронавирус жұқтырған 60 науқас тіркелді, деп хабарлайды Opennews.kz ақпарат агенттігі ҚР Денсаулық сақтау министрлігіне сілтеме жасап.

Мәліметке сәйкес, коронавирус инфекциясы 60 адамнан анықталды, 2 науқас қайтыс болды. Сондай-ақ коронавирус пневмониясы 4 адамда тіркелді.

Осы уақытта індеттен ел өңірлерінде 1 129 адам емделіп жатыр, оның ішінде коронавирустан – 997 (КВИ+), коронавирус пневмониясынан 132 (КВИ-) науқас. 119 пациент стационарда жатса, 1 010-ы амбулаториялық деңгейде ем қабылдауда.

КВИ+, КВИ- шалдыққандардың арасында:

- 4 адамның жағдайы ауыр,
- 3 пациенттің жағдайы өте ауыр,
- 1 науқас өкпені жасанды желдету аппаратына қосылған