Президенттің өкімімен жаңа тағайындаулар: кеңесші, көмекші және хатшы лауазымдарына өзгерістер енгізілді
Президенттің өкімімен Марат Әшім Президенттің кеңесшісі болып тағайындалды, - деп хабарлайды "Opennews.kz" ақпарат агенттігі.
"Мемлекет басшысының өкімімен Марат Кенжеғалиұлы Әшім Қазақстан Республикасы Президентінің кеңесшісі – Президент Протоколы қызметінің бастығы лауазымына тағайындалды, – делінген Ақорда хабарламасында.
Сондай-ақ Мемлекет басшысының жарлығымен Қуанышбек Есекеев Президенттің көмекшісі болып тағайындалды.
“Мемлекет басшысының Жарлығымен Қуанышбек Бақытбекұлы Есекеев Қазақстан Республикасы Президентінің көмекшісі болып тағайындалды, ол бұрынғы атқарған лауазымынан босатылды”, — делінген хабарламада.
Ал бұған дейін президенттің кеңесшісі болған Руслан Желдібай енді көмекші қызметін атқарады. Сонымен қатар Желдібай мемлекет басшысының баспасөз хатшысы қызметін де қатар атқарады.
