Мемлекет басшысы жұмыс сапарымен Швейцарияға барды

Президент Қасым-Жомарт Тоқаев жұмыс сапарымен Швейцария конфедерациясына барды- деп хабарлайды  Opennews.kz ақпарат агенттігі.

Бұл туралы президенттің баспасөз хатшысы Берік Уәли хабарлады.

"Женевада Қасым-Жомарт Тоқаев Швейцарияның Федералдық президенті Ги Пармеланмен келіссөз жүргізеді. Оның қорытындысы бойынша бірқатар үкіметаралық және коммерциялық келісімге қол қойылмақ.

Сапар бағдарламасы бойынша мемлекет басшысы Дүниежүзілік денсаулық сақтау ассамблеясының арнаулы сессиясында сөз сөйлейді, БҰҰ-ның және басқа да бірқатар халықаралық ұйымның басшылығымен келіссөз жүргізеді, инвестициялық дөңгелек үстелге қатысады және еуропалық бизнес капитандарымен кездеседі деп жоспарланып отыр", - деп жазды Берік Уәли.