ҚЫЗЫЛОРДАДА КӨПБАЛАЛЫ ОТБАСЫНА БЕРІЛГЕН ЖАҢА ҮЙЛЕР ЖАҢБЫРДЫҢ СУЫНА ТӨТЕП БЕРЕ АЛМАУДА

13 қазан 2023, 17:38

7 119

Қызылордада жаңадан берілген үйлердің сапасы сыр бере бастады, - деп хабарлайды "Opennews.kz" ақпарат агенттігі.

Қызылордада сырт келбеті келісті көпқабатты тұрғын үйлер жыл санап көбейіп келеді. Қолданысқа берілгеніне бірнеше ай болған көпқабатты үйдің шатырынан су кетіп жатыр. Жаңа салынған баспана тұрғындарды шарасыз күйге түсірген. Жаңбырлы күні төбеден аққан су астына шелектер қоюға мәжбүр. Тұрғындар салынған үйдің сапасыздығын алға тартып, әлеуметтік желіде жиі наразылық білдіруде. Естеріңізге сала кетсек, жаздыңгүні қатты желден шатыры ұшқан көпқабатты үйлердің бірі.

Астана-2 мөлтек ауданында орналасқан көпқабатты қызыл үйлерің бірі жауған жаңбырдың суынан жүкті болып қалды дейді тұрғын.

«Менің төбемнен су кетіп жатыр, аспалы шамның жанынан су жиналып тұр. Бұл не бассыздық. Әр жауған жаңбырмен алысуымыз керек пе? Алдымыз қыс одан қалды қардың еріген уақытында тағы да қабырғаларымды сызат басып, әбігерге түсемін бе?», - дейді тұрғын Гүлназ.

Үйдің шатырынан аққан жаңбыр суы төменгі қабатқа дейін жеткен. Ал, қала әкімдігі мұны мердігер мекеме жою тиіс екенін айтады. Олар тез арада шатырды қалыпқа келтіру керек. Тіпті кәсіпкер тарапынан жөндеу жұмыстарын жүргізілуде деп сендіруде.

«Аталған тұрғын үй “СК Данекер” ЖШС-нің өз қаражаты есебінен салынған болатын. Қазіргі таңда кепілдік мерзіміне сәйкес қалпына келтіру бойынша тиісті жұмыстар атқарылып жатыр.»,- деп атап өткен.

Жаңадан бой көтерген үйдің 4 және 5 қабаты көпбалалы аналарға арендалық тұрғын-үй есебінде берілген. Көп пәтерлі үйдің тұрғындары жылу маусымдығына дайын емес, үйімізде құбырлар жарылып жатыр деп налиды.

«Айтар болсақ бұл үйде мәселе көп . Нақтырақ айтқанда сапасыз салынған. Әлі күнге дейін жамап келеміз. Әкімдіктің есігін сығалап болдық. Қатты желден шатырымыз ұшып масқара болдық. Енді міне, менің төбемнен су кетіп жатыр. Несін жасырайын тіпті балалар үшін қолайлы ойын алаңдары да жоқ. Осының бәрі неге ойластырылып, тиімді етіп салынбаған.»- дейді Гүлназ Құрылтаева.

Жасыратыны жоқ, асығыс істелген шаруаның сапалы болатынына жұрт күмәнмен қарап отыр. Алайда атқамінерлер есігінен сығалатпай-ақ балаларымыздың ойын алаңын салып берсе игі еді дейді тұрғындар.