Бұрса қаласы түркі әлемінің мәдени астанасы болып жарияланды

Русский перевод этой статьи пока не опубликован. Ниже — оригинал на казахском языке.

Бұл жайлы Өзбекстанның Хиуа қаласында өткен ТҮРКСОЙ тұрақты кеңесінің 38-ші отырысында бекітілді,- деп хабарлайды Opennews.kz ақпарат агенттігі.

Бұрсаға дейін нақ осы Хиуа қаласы мәдени елорда еді. Кездесу барысында ұйым мүшелері  бекітілген іс-шаралардың атқарылу қорытындысын тыңдап, алдағы жоспарларын бекітті.

Қазақстан өз кезегінде тарихи-мәдени ескерткіштерді қайта қалпына келтіру үшін түркітілдес елдердің мамандарын тартуға ниетті атап өтті. Мәдениет және спорт вице-министрі Нұрғиса Дәуешовтың айтуынша, шетелдік қолөнершілер тәжірибе алмасу үшін аса қажет.