Мектептерде бала саны көбейіп, сабақ уақыты қысқарып жатыр

13 сентября 2024, 15:57

2 258

Русский перевод этой статьи пока не опубликован. Ниже — оригинал на казахском языке.

Қазақстанның бір өңіріндегі мектептерде өзгеріс енгізілді,- деп хабарлайды "Opennews.kz" ақпарат агенттігі.

Павлодардағы барлық мектептерде сабақтар 40 минуттан өткізіледі. Мысалы, қаладағы №39 мектепте екінші ауысым оқушыларының сабақтары 19:30-да аяталады. Білім басқармасының мәліметінше, қоңыраулар кестесі бекітілген денсаулық сақтау стандарттарына сәйкес жасалған. Рұқсат етілген ең көп сабақ уақыты - 45 минут. Бұрын сабақ уақыты әр мектепте әртүрлі болған.

“Екінші ауысымдағы соңғы сабақ 19:20 - 19:30 шамасында аяқталады, бұл үлкен мектептерде. Мысалы, №39 мектеп. Оларда барлығы 97 сынып бар. Ал мектепте небәрі 57 кабинет. Қалай болғанда да, бұл мәселені шештік", – дейді Павлодар қалалық білім бөлімі басшысының орынбасары Жанат Асайынова.

Ең аз үзіліс уақыты – 5 минут. Қоңыраулар кестесі қазір көпшілік мектепте бірдей. Кейбір мектептерде тамақтануға байланысты үзіліс уақыттарында өзгерістер бар.