Қаз
Рус
Санкция салдарынан азық-түлікке мұқтаж елдер зардап шегуде – Тоқаев
2 506
Русский перевод этой статьи пока не опубликован. Ниже — оригинал на казахском языке.
Мемлекет басшысы Қасым-Жомарт Тоқаев санкциялар Еуразиялық экономикалық одақ (ЕАЭО) мемлекеттерінің мұқтаж елдерге азық-түлік жеткізуіне кедергі келтіріп жатқанын айтты, - деп хабарлайды "Opennews.kz" ақпарат агенттігі.
Тоқаевтың сөзінше, санкцияның салдарынан азық-түлікке мұқтаж елдер зардап шегуде.
"Жабдықтарды жеткізуге санкциялар бірінші орынға шыққан геосаяси жағдай кедергі келтіруде. Соның салдарынан азық-түлікке мұқтаж халықтар зардап шегуде. Сарапшылардың пікірінше, ЕАЭО елдерінің әлеуеті 600 миллионға жуық адамды тамақтандыруға қабілетті", – деді Жоғары Еуразиялық экономикалық кеңес отырысында Тоқаев.
Ол "Еуразиялық бестік" азық-түлікпен қамтамасыз етудің ең жоғары деңгейіне қол жеткізгенін айтты. Дегенмен, бұл елдерде әлемдік нарыққа ауыл шаруашылығы экспортының үлесі (2 пайыздан сәл ғана астам) төмен болып отыр.
