Қаз
Рус
Петропавлда жылу электр станциясында жұмысшы көз жұмды
160
Русский перевод этой статьи пока не опубликован. Ниже — оригинал на казахском языке.
Петропавлда ЖЭО-2-де монолитші өндірістік жарақат алып, көз жұмды, - деп хабарлайды Opennews.kz ақпарат агенттігі.
Аталған дерек Петропавл полиция департаментінде Қылмыстық кодекстің 156-бабы 2-бөлігі бойынша (Еңбекті қорғау қағидаларын бұзу) тіркелді. 
Сотқа дейінгі тергеу барысында 5 қарашада жылу электр станциясы аумағында жұмыс орнында болған 21 жастағы монолитшінің өндірістік жарақат алғаны анықталды. Ер адам медициналық мекемеге жатқызылған, алайда 7 қарашада алған жарақаттарынан көз жұмды.
“Қазіргі уақытта істің мән-жайларын зерттеуге бағытталған тергеу әрекеттері жүргізілуде, олардың нәтижелері бойынша түпкілікті процестік шешім қабылданатын болады. Сондай-ақ жұмыстарды орындау кезінде өндірістік қауіпсіздік талаптарын сақтау бойынша жауапты тұлғалардың кінәсі анықталады”, – делінген хабарламада.
