Қаз
Рус
Астанада өрттен үш адамды құтқарған өрт сөндіруші комаға түсті
153
Русский перевод этой статьи пока не опубликован. Ниже — оригинал на казахском языке.
Астанада өрттен үш адамды құтқарған өрт сөндіруші комаға түсті, - деп хабарлайды Opennews.kz ақпарат агенттігі.
AstanaTV-ның мәліметінше, оларды шұғыл ауруханаға жеткізген. Біреуі жансақтау бөлімінде жатыр. Оқиға кеше сағат 11-лер шамасында Бауыржан Момышұлы даңғылында болды. Үйдің ауласында тұрған автокөліктер өртті ауыздықтауға кедергі келтірген.
«Өрт орнынан 5 адам құтқарылды. Оның екеуі бала. 10 адам қауіпсіз жерге көшірілді. 5 адам ауруханаға жеткізілді. Түтінге уланған бір бала жіберілді. Екі адам медициналық көмектен бас тартты. Екі өрт сөндіруші зардап шекті. Олардың денесін күйік шалды. Қазір біреуі жансақтау бөлімінде, біреуі ауруханада жатыр», – деді Астана қаласының ТЖД өртке қарсы күрес қызметінің баспасөз хатшысы Аягөз Фазылова.
