Еліміздегі ХҚКО-лар бірқатар қызмет түрін уақытша тоқтатты

"Азаматтарға арналған үкімет" мемлекеттік корпорациясы кейбір қызметтерді көрсетуді тоқтататынын мәлімдеді, - деп хабарлайды "Opennews.kz" ақпарат агенттігі.

Ішкі істер министрлігі жағындағы техникалық жұмыстарға байланысты 9 және 10 маусымда еліміздің барлық халыққа қызмет көрсету орталығында мынадай қызметтерге өтініштерді қабылдауды уақытша тоқтатады:

• Қазақстан Республикасында уақытша болатын шетелдіктер мен азаматтығы жоқ адамдар үшін жеке сәйкестендіру нөмірін қалыптастыру және түзету;
• Жұмыс істеуге келген иммигрантқа рұқсат беру, ұзарту және қайтарып алу;
• Қазақстан Республикасында уақытша болатын шетелдіктер мен азаматтығы жоқ адамдарға уақытша тұруға рұқсат беру;
• Қазақстан Республикасынан тұрақты тұруға кетуге құжаттарды ресімдеу.