Қаз
Рус
1 қаңтардан бастап Қазақстанда қандай төлемдердің көлемі артады?
Русский перевод этой статьи пока не опубликован. Ниже — оригинал на казахском языке.
2024 жылдың 1 қаңтарынан бастап Қазақстанда еңбекке қабілеттіліктен айырылу және асыраушысынан айырылу жағдайлары бойынша әлеуметтік төлемдер мөлшері артады, - деп хабарлайды "Opennews.kz" ақпарат агенттігі.
Тиісті қаулыға ҚР Премьер-министрі Әлихан Смайылов қол қойды.
Атап айтқанда, құжатта 2024 жылдың 1 қаңтарынан бастап Мемлекеттік әлеуметтік сақтандыру қорынан еңбекке қабілеттіліктен және асыраушысынан айырылу жағдайлары бойынша тағайындалған әлеуметтік төлемдерді 7%-ға арттыру көзделген.
«Аталған қаражат еңбекке қабілеттілікті жоғалтқан 87 мыңға жуық адамды және асыраушысынан айырылған 59 мың отбасын қамтиды. Бұл мақсаттарға қосымша 5 млрд теңгеден астам қаражат жұмсалады», – делінген хабарламада.
Естеріңізге сала кетсек, Әлеуметтік кодекске сәйкес ҚР Үкіметі еңбекке қабілеттіліктен және асыраушысынан айрылу жағдайлары бойынша төлемдердің мөлшерін жыл сайын арттырып отырады.
