Қаз
Рус
950 млн теңгеге салынған мектептің кірпіштері құлап жатыр
1 478
Русский перевод этой статьи пока не опубликован. Ниже — оригинал на казахском языке.
Орал қаласында 7 жыл бұрын салынған мектеп қабырғасының кірпіштері сынып, құлап жатыр, - деп хабарлайды "Opennews.kz" ақпарат агенттігі «Мой город» сайтына сілтеме жасап.
Орал қаласында 2017 жылы 950 млн теңгеге салынған №4 мектептің қабырғасының кірпіштері жерге құлап жатыр.
Оқу орнының директоры Жанаргүл Аймұрзина мектеп құрылысын салған «Альтаир» компаниясы екенін айтты.
«Бұған ауа-райы әсер еткен болуы мүмкін. Үнемі ылғалды ауа райы. Біз балалардың қауіпсіздігі үшін жұмыс істеп жатырмыз. Кірпіш құлаған жерлерге арнайы таспалар қойылды. Сондай-ақ, қызметкерлер балалардың қауіпті аумақтарға жақындамауын қадағалап отыр. Алдағы уақытта құрылыс жұмыстарына сараптама жүргізуді жоспарлап отырмыз», - деді мектеп директоры.
