Алтын іздеп жүрген адам шахтаға құлап көз жұмды

Ақмола облысында заңсыз алтын өндіруге байланысты тағы бір қайғылы жағдай тіркелген. Бұл жолы оқиға ауыр жарақатпен емес, адам өлімімен аяқталған, – деп хабарлайды Оpennews.kz ақпарат агенттігі Aikyn.kz порталына сілтеме жасап.

Өңірдегі алтын кеніштеріндегі қауіпсіздік мәселесі бұрыннан көтеріліп келеді. Өткен жылы Ақмола облысындағы Бестөбе мен Ақсу шахталарында 800-ден астам заңбұзушылық анықталған еді. Ал биылдың өзінде 50-ге жуық құқықбұзушылық тіркелген. Сонымен қатар  мұндай жағдайлар кезінде адам өлімі мен ауыр жарақат алу деректері де кездесіп отыр.

Облыстық Полиция департаментінің мәліметінше, аталған дерек бойынша қылмыстық іс қозғалған.