Бүгін Қазақстанда телеарна мен радиолар хабар таратуды уақытша тоқтатты

Русский перевод этой статьи пока не опубликован. Ниже — оригинал на казахском языке.

«Қазтелерадионың» мәліметінше, телерадио хабарларын тарату желілерінде жоспарлы-профилактикалық жұмыс жүргізіледі, - деп хабарлайды  Opennews.kz ақпарат агенттігі.

Бүгін сағат 03:00 – 17:00 аралығында (Нұр-Сұлтан қаласының уақытымен) жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыс жүргізіледі.
Сондықтан Қазақстанның барлық аумағында телерадиоарналарды ретрансляциялау уақытша тоқтатылады.

«Қазтелерадио» АҚ тоқсан сайын жерсеріктік және эфирлік желілердің техникалық құралдарында сервистерді жаба отырып, жоспарлы-профилактикалық жұмыс жүргізеді.

Бұл жұмыстар телерадио хабарларын сапалы таратуды қамтамасыз ету үшін қажет. Тоқсан сайынғы жоспарлы-профилактикалық жұмыс сервисті ұзақ уақыт өшіруге мүмкіндік береді.