Жанқош Тұраров IBO Inter-Continental чемпионы атанды

Русский перевод этой статьи пока не опубликован. Ниже — оригинал на казахском языке.

Жанқош Тұраров IBO Inter-Continental чемпионы атағын нокаутпен жеңіп алды, - деп хабарлайды Opennews.kz ақпарат агенттігі.

Оның қарсыласы Венесуэла өкілі Энрике Луис болды.

Жекпе-жек Алматыдағы бокс кешінде басты жекпе-жекке айналды және он раундқа жоспарланған еді. Жетінші раундта Тұраров қарсыласын екі рет нокдаунға түсіріп, кейін оны нокаутқа түсірді.

Жанқош Тұраров кәсіпқой мансабындағы 26-жеңісіне қол жеткізіп, IBO екінші дәрежелі чемпиондық белбеуін жеңіп алды. Луис Энрике Ромеро проф рингте алтыншы рет жеңіліске ұшырады.
Бұған дейін Жанқош Тұраров WBO Inter-Continental чемпионы болған.