Қызылордада жер учаскелерін бөлуге қатысты талдау жүргізілмек

ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті бизнеске жер учаскелерін бөлу мен олардың қолжетімділігі, сондай-ақ бизнес объектілеріне инфрақұрылымды жеткізу мәселелеріне сыбайлас жемқорлық тәуекелдеріне сыртқы талдау жүргізеді, деп хабарлайды Opennews.kz ақпарат агенттігі. 


Талдау барысында Департаментпен аталған саладағы сыбайлас жемқорлық құқық бұзушылықтардың себептері мен шарттары, шаруа қожалығы, ауылшаруашылығы өндірісі үшін, сауда-саттық, аукцион бойынша жер құқығын беру  және басқа да сыбайлас жемқорлық тәуекелдері жоғары бағыттар зерделенеді.

Талдау ағымдағы жылдың қаңтар-ақпан айларында жүргізіледі.

Осыған орай, аталған салаға қатысты сыбайлас жемқорлық фактілері, басқа да құқық бұзушылықтар туралы нақты ақпараттарыңыз, арыз-шағымдар мен ұсыныстарыңыз болса, Қызылорда қаласы, 156А ғимаратта орналасқан «Antikor» орталығына келуге,  taldau-kzo-2022@mail.ru электрондық поштасына және  WhatsApp +7 707 282 21 51, +7 701 869 99 94 жолдауға, сонымен қатар Департаменттің кезекші бөлімінің 23-06-90 нөмірі арқылы хабарласуға болатындығы жеткізіледі.

Құрметті кәсіпкерлер сыбайлас жемқорлық тәуекелдерін анықтауға белсенділік көрсетіп, өз үлестеріңізді қосуға шақырамыз.