Футбол қақпасы құлап, 9 жасар бала ауыр жарақат алған

Астанада 9 жасар баланың үстіне футбол қақпасының құлауы дерегі бойынша қылмыстық іс қозғалды,- деп хабарлайды Opennews.kz ақпараттық агенттігі.

Оқиға 10-шы тамыз күні Қазақстан футбол федерациясы орталығының аумағында болған. Астана қалалық Полиция департаменті баспасөз қызметінің мәліметінше, жаттығу кезінде бала футбол қақпасына асылған, салдарынан конструкция оның үстіне құлаған. Қазіргі уақытта полицейлер оқиғаның барлық мән-жайын анықтап жатыр.