Ерлі-зайыптылар жаңа туған сәбиін 2 млн теңгеге сатып, қаржыны қалтасына басқан

Алматыда ерлі-зайыптылар жаңа туған сәбиін 2 млн теңгеге сатып, қаржыны қалтаға басқан сәтте ұсталды, деп хабарлайды Opennews.kz ақпарат агенттігі.


Ата-ана тәртіп сақшыларының арнайы операциясы кезінде қолға түскен. Белгілі болғандай, 1998 жылғы келіншек күйеуімен бірге перзентханадан шыға сала, бірден мәміле жасауға аттанған. Олар жаңа туған шақалақты 2 млн теңгеге бағалапты. Анықталғандай, ерлі-зайыптылар сатып алушыларды алдын ала іздеген.

Олар өз кінәcін толықтай мойындады. Енді жас отбасы кәмелетке толмаған баласын саудалағаны үшін қылмыстық жауапқа тартылады.