Су тапшылығын жою үшін бюджеттен 300 млрд теңге жұмсалмақ
114
Астанадағы су тапшылығын жою үшін 300 миллирд теңге жұмсалмақ, - деп хабарлайды "Opennews.kz" ақпарат агенттігі.
Дерекке сүйенсек, су тапшылығын шешудің қазіргі уақытта үш нұсқасы қаралуда. Ең ықтималы – Қаныш Сәтбаев каналындағы суды ағызу көрінеді. Су ресурстары комитетінің төрағасы Нұрлан Алдамжаров елордада сорғы станциялары бар, сондықтан жобаны алдағы 5 жылда іске асыруға болады деп отыр.
Сондай-ақ министрлікте Нұра бассейнінен де ауыз су тартуға болатынын айтуда. Алайда онда судың аздығына байланысты бұл тек резервтік нұсқа ретінде қаралып отыр.
Үшінші нұсқа, ол Бузулук су қоймасын салу. Ертіс өзені бойынан жоспарланған бассейннің қашықтығына байланысты жоба бюджетке жарты триллион теңге шығын әкелуі мүмкін.
