Қызылордада екі азамат төбелесіп, біреуі көз жұмды

Қызылорда қаласында екі адам төбелесіп, 42 жастағы азамат ауруханада жан тапсырды, – деп хабарлайды "Opennews.kz" ақпарат агенттігі. 

Polisia.kz-тің мәліметінше, 24 сәуір күні қалалық ауруханада 42 жастағы азаматтың жансақтау бөлімінде қайтыс болғаны туралы хабарлама түскен. Полицейлер екі адамның өзара жанжалдасқанын анықтады. Жəбірленуші алған ауыр дене жарақатынан ауруханада қайтыс болған.

Аталған дерек бойынша ҚР ҚК-нің 106 - бабының 3- бөлігімен сотқа дейінгі тергеу жүргізіліп жатыр. Күдікті оқиға орнынан қашып кеткен. 

Жедел іздестіру нəтижесінде, күдікті 38 жастағы қала тұрғыны ұсталды. Қамауға алынды. Тиісті сараптамалар тағайындалды.