Облыс әкімінің мерейтойына шенеуніктер қызметтік көліктерімен келді
Ақтөбе облысы әкімінің мерейтойына аймақтағы атқа мінерлер қызметтік көліктерін тізгіндеп келді, - деп хабарлайды "Opennews.kz" ақпарат агенттігі.
Ақтөбе облысының әкімі Ералы Тоғжанов 13 мамырда өзінің 60 жылдық мерейтойын қаладағы ең қымбат мейрамханалардың бірінде атап өтті. Дегенмен 2 миллион теңге жалақы алатындар үшін мұндай шаралардың сәнді жерде өткізілетіні таңқаларлық дүние емес екен.
Бір қызығы аталған мерейтойға шенеуніктер өздерінің қызметтік көліктерімен келген. Бұл туралы аймақтағы @aqtobe_sergek Instagram парақшасы жазып, суреттермен бөлісті. Тіпті қызметтік автокөлікпен келгендер арсында Ералы Тоғжановтың туған інісі - Бәйтерек ауданының әкімі Марат Тоғжанов та бар.
Адамдардың айтуынша, туған күнді тойлағанда тұрған ештеңе жоқ, бірақ олар шенділердің жұмыс барысынан бөлек қызметтік көлікті пайдаланғанын ерсі деп есептейді.
