Бекіре балығын аулаған тұрғындар 3 жылға сотталмақ
Маңғыстаулық екі тұрғын 17 бекіре балығы үшін 3 жылға сотталуы мүмкін, - деп "Opennews.kz" ақпарат агенттігі.
Маңғыстау облысында полицейлер екі балықшыдан 94 келі бекіре тәркіледі. Полиция тәркіленген балықты "Kazakh Osseter" ЖШС мекемесіне берген.
"24 маусымда 03:00 шамасында полиция департаменті ұйымдасқан қылмысқа қарсы басқармасының қызметкерлері жүргізген жедел-іздестіру жұмыстары кезінде Түпқараған ауданы Ақшұқыр ауылында ақ түсті Volvo ХС90 көлігі тоқтатылды. Тінту кезінде жүксалғышынан 17 дана заңсыз ауланған бекіре балығы тәркіленді", – делінген хабарламада.
Күдіктілер 24 және 25 жаста екен. Бұл дерек Қылмыстық кодекстің 339-бабы "Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу" бойынша тіркелді. Енді ер адамдар 3 жылға дейін сотталуы мүмкін.
