"600 мыңнан астам адам жұмысқа орналасты" - премьер-министр
Мәжілісте мемлекет басшысы жолдауының жүзеге асырылу барысы туралы кеңейтілген отырысы өтуде, - деп хабарлайды "Opennews.kz" ақпарат агенттігі.
Өңірлермен бірлесіп, "Халықтың табысын арттыру" бағдарламасы шеңберінде жұмыспен қамтудың кешенді жоспары іске асырылуда. Қазіргі уақытта жаңа, бос және мемлекет субсидиялайтын жұмыс орындарына 600 мыңнан астам адам жұмысқа орналасты. Олардың жартысы – жастар. Президенттің жастарды және халықтың әлеуметтік осал топтарын жұмыспен қамту мәселелері туралы тапсырмалары ерекше орын алады, - деді Смайылов.
Үкімет басшысының сөзінше, жастардың жас шамасы 29-дан 35 жасқа дейін ұлғайтылды. Нәтижесінде 5,7 млн адам мемлекеттік қолдау шараларына қол жеткізе алады. Биыл олардың 9 мыңға жуығы, соның ішінде әлеуметтік осал топтардағы жастар, 2,5%-пен жеңілдікті кредиттер, өтеусіз гранттар алып, өз істерін ашты.
"1,2 миллион азаматтық қызметкердің жалақысын 2 есеге арттыру міндеті қойылды. Сондықтан біз жыл сайын мұғалімдердің жалақысын 25%-ке, дәрігерлердің жалақысын 30%-ке, орта медициналық персоналдың және басқа санаттағы жұмыскерлердің жалақысын 20%-ке арттырып келеміз. Шамамен 2 мыңнан астам кәсіпорынмен жұмыс жүргізілді. Нәтижесі бойынша жұмыс берушілер 1 миллион астам жұмысшылардың жалақысын 10 пайыздан 50 пайызға дейін арттырды", - деді премьер-министр.
