Тозығы жеткен түрмеде ер адамдар тесік арқылы әйелдер камерасына кірген

Апатты жағдайда тұрған Оралдағы тергеу изоляторында тұтқындар қабырғадағы үлкен саңылау арқылы әйелдер камерасына қалай өтуге болатынын көрсетіп, видео түсірген, - деп хабарлайды "Opennews.kz" ақпарат агенттігі «Мой город» телеграм каналына сілтеме жасап. 

Оралдағы №74 мекеме, яғни уақытша ұстау изоляторынан түсірілген деген видео жарияланды. Онда ер адамның қабырғадағы саңылаудан басқа бөлмеге өткенін көруге болады. Оны басқа адам ту сыртынан түсіріп тұрады. Видео авторы сотталғандар ескі ғимараттың қабырғасынан осылай саңылау жасап алып, әйелдер камерасына кіреді-мыс деп мәлімдейді.

Сондай-ақ, видеода жас жігіт сотталғандарды тексеру және тінту жүргізуге арналған журналды көрсетеді.