Eкі адам тірідей жанып кетті
1 503
Ақтөбе қаласы маңында жүк және жеңіл көлік соқ
тығысты. Оқиға кезінде жеңіл көлік ішіндегі жүргізуші мен жолаушы жанып кетті, деп хабарлайды "Opennews.kz" ақпарат агенттігі.
Оқиға Ақтөбе-Богословка тасжолында болды. Бүгін сағат 17:30-да Бауырластар тұрғын алабының маңында "Toyota Estima" автокөлігі "Зил" жүк автокөлігімен соқтығысты. Салдарынан жеңіл көлік өртеніп кетті.
"Жол-көлік оқиғасы салдарынан "Toyota Estima" автокөлігінің жүргізушісі мен жолаушысы оқиға орнында қаза тапты. Жол-көлік оқиғасы фактісі бойынша сотқа дейінгі тергеу басталды. Полиция департаменті көлік жүргізушілерін жол ережелерін қатаң сақтауға шақырады", - деп хабарлады облыстық ПД баспасөз қызметінің жетекшісі Ерболат Сарқұлов.
Ал Ақтөбе облыстық денсаулық сақтау басқармасының басшысы Рүстем Исаевтің айтуынша, жол-көлік апаты кезінде жанып кеткен жүргізушінің жасы мен ұлтын анықтау мүмкін болмаған.
Олар жедел жәрдем жеткенше көз жұмған. Ал жүк көлігінің 51 жастағы жүргізушісі медициналық көмекті қажет етпеген.
