«Қазақтар қырылсын». Ұлтараздық тудырған TikTok қолданушысы 4 жылға сотталды
1 591
Қазақтарды қорлап, бір-бірін өлтіруге шақырған Астана тұрғыны Наталья Свиридова төрт жылға бас бостандығынан айырылды, - деп хабарлайды "Opennews.kz" ақпарат агенттігі.
Астана қаласының қылмыстық істер жөніндегі ауданаралық соты төмендегідей шешім шығарды.
"Свириденко (Меркулова) Наталья Валентиновна Қылмыстық кодексінің 174-бабының 1-бөлігінде (әлеуметтік, ұлттық, рулық, нәсілдік, таптық немесе діни араздықты қоздыру) көзделген қылмыстық құқық бұзушылық жасағаны үшін кінәлі деп танылсын және оған орташа қауіпсіздіктегі қылмыстық-атқару жүйесі мекемесінде жазасын өтей отырып, төрт жыл мерзімге бас бостандығынан айыру түріндегі жаза тағайындалсын", - делінген ақпаратта.
Оқиға 7 тамызда болған. Наталья Свиридова TikTok парақшасында ұлт-араздық алауыздықты қоздыратын мәлімдеме жасап, азаматтардың ұлттық ар-ожданы мен қадiр-қасиетiне нұқсан келтірген.
