Назарбаев Зияткерлік мектебінде оқитын оқушы қызды пышақтап кеткен

26 мамыр күні елордадағы Назарбаев Зияткерлік мектебінің оқушысы бірнеше пышақ жарақатымен ауруханаға түсті, - деп хабарлайды "Opennews.kz" ақпарат агенттігі.

Әлеуметтік желіде зардап шеккен жасөспірім қыздың 12-сынып оқушысы екені, оған қарын, мойын, жамбас және қол аймағына пышақ жарақаттары салынғаны туралы айтылады. Алдын ала мәлімет бойынша қызды оның кездесіп жүрген жігіті пышақтап кеткен. 

Астана қаласы Есіл ауданының полиция басқармасы аталған фактіні растап, 18 жасар қызды өлтіруге оқталу фактісіне сәйкес қылмыстық іс бойынша тергеу амалдары қолға алынғанын жеткізді. 

Желіде қыздың іші, бөксесі, қолы мен мойнынан жарақат алғаны айтылған.