Сыр елінде мемлекеттік рәміздер күні аталып өтті

Мемлекеттік рәміздер – егемен еліміздің тәуелсіздігін айғақтайтын, біртұтастығын бейнелейтін, бүгіні мен болашағын бағдарлайтын жарқын бейнесі, - деп хабарлайды "Opennews.kz" ақпарат агенттігі.

Осыған орай, бүгін қаладағы Рәміздер алаңында ҚР Мемлекеттік рәміздер күніне арналған салтанатты іс-шара өтті. Мерекелік салтанатты шара Әнұранмен басталды.

Іс-шара барысында Сыр өңірінің әлеуметтік-экономикалық және рухани-мәдени дамуына ерекше үлес қосқан бірқатар азаматтар марапатталып, құрмет төрінен көрінді.

Мерекелік шара соңында Мемлекеттік Ту көтерілген жеңіл көліктердің қатысуымен автошеру ұйымдастырылды.