Елімізде баспанамен қамтамасыз ету орталығы құрылады

13 маусым 2024, 09:00

1 560

Қазақстанда тұрғын үймен қамтамасыз ету орталығы құрылады. Мәжіліс тұрғын үй саясатын реформалау бойынша түзетулерді екінші оқылымда қабылдады, - деп хабарлайды "Opennews.kz" ақпарат агенттігі.

Құжатты үкімет Тоқаевтың азаматтарды қолжетімді баспанамен қамтамасыз ету мәселесін шешуді тапсырғаннан соң әзірледі.

Депутат Ұлықбек Тұмашинов қазір "Отбасы банкі" ұлттық даму институтына айналатынын атап өтті. Ол тұрғын үйді тіркеу және бөлу функцияларын атқарады. Бұған дейін бұл мәселемен әкімдіктер айналысатын.

“Жаңа электронды деректер базасы құрылады. "Отбасы банкі" екінші деңгейлі банктер жүйесінде және депозиттерге міндетті кепілдік беру жүйесінде қалады. Оның қызметін лицензиялау да жалғасады”, – деді парламент мәжілісінің депутаты Ұлықбек Тұмашинов.

Енді мемлекеттік немесе қоғамдық міндеттерді орындау кезінде қаза тапқандардың отбасыларына баспана беру көзделіп отыр. Бұл норма әскери қызметкерлер мен құқық қорғау органдарында жұмыс істейтіндерге қатысты. Сонымен қатар асыраушысынан айырылғандарға тегін баспана беру ұсынылып отыр. Сондай-ақ I және II топтағы мүгедектігі барлар, жетім балаларға, көпбалалы аналар мен Ұлы Отан соғысы ардагерлеріне арналған пәтерлерге басымдық берілмек.

“Көп нәрсе өзгереді. Соңғы рет тұрғын үй қатынастары туралы заң 1997 жылы қабылданды. 27 жыл өтті, сондықтан бәрін өзгертіп жатырмыз. 555 түзету болды, оның 235-і қабылданды. Біріншіден, мемлекет пәтерлерді бөлгенде 70%-ы халықтың әлеуметтік осал топтарына тиесілі болады. Біз тағы бір категорияны – жесірлерді енгіздік, олар да жеке санатқа кіреді”, – деді депутат.