Жалағаш ауданында «Сыбайлас жемқорлыққа қарсы іс-қимыл және алдын алу» тақырыбында кездесу өтті
2024 жылғы 17 қыркүйекте «Сыбайлас жемқорлыққа қарсы іс-қимыл және алдын алу» №4 үлгілік базалық бағытының жобаларын іске асыру аясында Жалағаш ауданы әкімі аппаратының басшысы, Әдеп жөніндегі уәкілі Е.Қайнарбаев ауылдық округтер әкімдерімен (сыбайлас жемқорлық тәуекелдеріне шалдыққан мемлекеттік қызметшілер) Қазақстан Республикасы мемлекеттік қызметшілерінің Әдеп кодексінің талаптарын қатаң сақтау және сыбайлас жемқорлыққа қарсы іс-қимыл туралы заңнамасын түсіндіру мақсатында кездесу өткізді, - деп хабарлайды "Opennews.kz" ақпарат агенттігі.
Е.Қайнарбаев мемлекеттік қызметті өткеру, сыбайлас жемқорлықтың алдын алу және мемлекеттік қызмет саласындағы жаңашылдықтар, сонымен қатар, биылғы жылы жүргізілген ішкі талдау нәтижелерімен анықталған сыбайлас жемқорлық тәуекелдері туралы баяндады.
Мемлекеттік қызметшілер тарапынан заңнамамен белгіленген шектеулерді, әдеп нормаларын қатаң сақтау, қызметтен тыс уақытта жалпы қабылданған моральдік-әдептілік нормаларын ұстану, барынша қарапайым болуға аса назар аудару керектігін хабарлады.
Кездесу барысында еркін форматта ұсыныс-пікірлер тыңдалып, айтылған мәселелер бақылауға алынды.
