Жалағаш ауданының жастары білім мен спорт саласында жетістіктері жоғары

Білім саласы бойынша 2023-2024 оқу жылы Жалағаш ауданының білім саласы айтарлықтай жетістіктерге қол жеткізді, - деп хабарлайды "Opennews.kz" ақпарат агенттігі.  

Биылғы оқу жылын 20 мектептен 6690 оқушы бітірді. Оның ішінде 11-сыныпты 420 түлек аяқтап, үлкен өмірге қадам басты. «Алтын белгіні»  – 18 бітіруші, үздік аттестатты 43 бітіруші иеленді.

Президентіміздің бастамасымен қолға алынған «Жайлы мектеп» Ұлттық жобасы аясында облыс көлемінде 21 мектеп салынатын болса, оның 1-еуі біздің ауданнан бой көтеретін болады

Қазіргі таңда 300 орындық «Жайлы мектептің» жер телімі белгіленді. Жалпы білім беру ұйымдарының жәй күйі де қатаң бақылауда.

Аудандағы мектеп ғимараттарына жәй жөндеу жұмыстарын жүргізуге облыстық бюджеттен 107,0 млн. теңге бөлініп, тиісті жұмыстар атқарылуда.

 Бұқарбай батыр ауылындағы №33 орта мектеп ғимаратын күрделі жөндеуге облыстық бюджет есебінен 428,9 млн. теңге бөлініп, бүгінгі күні жөндеу жұмыстары қарқынды жүргізілуде.

Жаңа оқу жылында аталған білім беру ұйымының оқушылары жөндеуден өткен ғимаратта білім алатын болады. 

 Өңірде мәдениет саласында да ауқымды жобалар іске асырылуда. 

2024 жылы «Адал адам» мәдени-тәрбие орталығы жобасы аясында бүгінгі күнге дейін түрлі форматтағы 739 іс-шара өткізілді.

Биыл ауданымыз үшін ең ауқымды жобалардың бірі, аймақ басшысының қолдауымен жалпы құны 1,6 млрд. теңгені құрайтын «Руханият» орталығы ғимаратының құрылысы жүзеге асырылуда. 

Музей, кітапхана, мұрағат, неке қию залы, ардагерлер және аналар кеңесі, жастар орталықтары, азаматтық қоғам өкілдері мен тарихи-мәдени, рухани ұйымдарын біріктіретін типтік үлгідегі «Руханият» орталығы биыл жыл соңына дейін пайдалануға берілетін болады. 

Мәдениет саласының инфрақұрылымын дамыту мақсатында Таң ауылдық мәдениет үй ғимаратын күрделі жөндеу жұмыстарына облыстық бюджеттен 351,0 млн. теңге бөлініп, жөндеу жұмыстары жүргізілуде. 

Спорт саласындағы жетістіктері аз емес.

Бүгінгі таңда 14 мыңға жуық аудан тұрғыны бұқаралық спортпен тұрақты түрде айналысуда. Бұл жалпы тұрғындардың 39,0 пайызын құрайды. 

Аудан спортшылары әлемдік және Азия чемпионаттары мен облыстық жарыстарда әр түрлі деңгейдегі 376 медаль алып, жоғары жетістіктерге қол жеткізуде.

Биылғы жылы халықаралық дәрежедегі спорт шебері–2, І разрядты спортшы – 35, спорт шеберлері–11, спорт шеберіне үміткерлерінің саны 60-қа жетті.

 «Ауыл-Ел бесігі» жобасы аясында жоба құны 471,6 млн. теңгені құрайтын денешынықтыру-сауықтыру кешені биылғы жылы ел игілігіне пайдалануға берілетін болады.

Үстіміздегі жылы «Қазақстан халқына» қоры арқылы Аққыр елді мекенінен жалпы құны 175,0 млн. теңге болатын денешынықтыру-сауықтыру кешенінің құрылысын салу жоспарлануда.