«ТАЗА ҚАЗАҚСТАН – ТАЗА ҚУАТ!» ЭКОЛОГИЯЛЫҚ СЕНБІЛІК ӨТТІ
Жалағаш ауданында «Таза Қазақстан» республикалық экологиялық акциясы аясында сенбілік жұмыстары ұйымдастырылды, - деп хабарлайды "Opennews.kz" ақпарат агенттігі.
Тазалық жұмыстарына мекеме, кәсіпорын қызметкерлері мен аудан тұрғындары, ерікті жастар белсене қатысты.
Сенбілік жұмыстары барысында орталық көшелер мен аллеялар, арықтар тазаланып, қоқыс қалдықтары белгіленген орындарға шығарылды. Сенбілік жұмыстарына аудан орталығынан бөлек ауылдық округтердің тұрғындары да қатысып, белсенділік танытты.
СЕНБІЛІК- ТАЗАЛЫҚ КЕПІЛІ
«Тазалық – табалдырықтан басталады», демекші қоршаған ортаның тазалығына жауапкершілікпен қарау – әрбір азаматтың басты міндеті.
Аудан көлемінде жүргізіліп жатқан қызу тазалық жұмыстарына барлық мекеме қызметкерлері бір кісідей атсалысып, әрбір ұжым бөлінген аумақтарда, көшелерде тазалық жұмыстарын қарқынды жүргізді. Соның ішінде, ауылдың кіре беріс аймағын, орталық көшелер мен әлеуметтік нысандардың айналасын толық қамтыған тазалық жанашырлары қоқыс қалдықтарын шығарып, ортақ мекеннің көркеюіне өз үлестерін қосты.
Аудан шырайын шұғылалы ету мақсатында бүгін аудан бойынша жаппай “Таза Қазақстан” атты сенбілік өткізілді.
Сенбілікте тазалықты жанына серік еткен аудандық бөлім, мекеме ұжымдары, білім беру ұйымдары, кәсіпорындар мен аудан тұрғындары ерекше белсене ат салысты.
Сенбілікте мекеме, жеке тұрғын үй аулалары және қала ішіндегі 29 шақырым су арықтары мен 220 шақырым автожолдар айналасы қоқыстан тазартылды.
Елді- мекендерге ағаш көшеттерін отырғызу жұмыстары қазан айының аяғына жоспарланған.
Сенбіліктер - тұрғындардың қоршаған ортаны таза ұстауға, экологиялық мәдениет қалыптастыруға және ауданның санитарлық жағдайын жақсартуға оң әсерін тигізуде.
Қоңыр күз келгенде жылғалар бітеліп, айнала ластанатыны белгілі. Табиғаттың тынысын ашу мақсатында жол жиектері, арықтар күл-қоқыстардан тазалануда. Сондай-ақ, аудандағы барлық мектептер мен балабақшалардың, яғни барлық әлеуметтік нысандарында тазарту жұмыстары жүргізілді.
Тазалықты өзімізден бастайық!
