Қазалыда қазақ күресінен республикалық турнир өтті
Қазалы жұртшылығы елдіктің ақ туын көкке көтерген ұлт-азаттық көтерілісінің қаһарманы Жанқожа Нұрмұхаммедұлының 250 жылдық мерейтойын атап өтуде, - деп хабарлайды "Opennews.kz" ақпарат агенттігі.
Мерейтой аясында түрлі мәдени-көпшілік іс шаралар өтіп, облыс әкімі Нұрлыбек Нәлібаевтың қатысуымен бірқатар жаңа нысандар аудан тұрғындарының игілігіне пайдалануға берілді
Бүгін аудан орталығында мерейтой аясында пайдалануға берілген «Әмір Арена» спорт кешенінде қазақ күресінен республикалық турнир басталды.
Республикалық турнирді аудан әкімінің орынбасары Жалғас Сүйеубаев сөз сөйлеп ашып, палуандарға сәттілік тіледі.
Республикалық турнирде 90 келіге дейін және 90 келіден жоғары түйе палуандар бақ сынасты. Турнирдің қорытындысы бойынша жеңімпаз палуандарға басқа өңірлерде тұратын жерлестеріміз және қазалылық кәсіпкер азаматтар, ауданның Құрметті азамттары мен спорт саласының ардагерлері арнайы қаржылай сыйлықтар табыстап, марапаттады.