Экскаватор 16 жастағы мопед жолаушысын басып өлтірді
1 216
Алматыда экскаватор мопедте отырған 16 жастағы жасөспірімді қағып өлтірді, - деп хабарлайды "Opennews.kz" ақпарат агенттігі.
Қайғылы жағдайды Алматының полиция департаменті растады. Жантүршігерлік жол апаты 24 қазан күні сағат 08:10-да Алатау ауданында болған.
“Алғабас ықшамауданындағы Доспанова көшесімен солтүстік бағытта келе жатқан 15 жастағы мопед айдаған жасөспірім қатар келе жатқан “Chevrolet” көлігімен соқтығысқан. Қатты соққы салдарынан мопед аударылып қалды. Ал оның жол жиегіне құлаған 16 жастағы жолаушысын экскаватор басып кетті”, – деп мәлімдеді полиция.
Жасөспірім жарақат салдарынан оқиға орнында көз жұмды. Адам өліміне әкеп соққан жол апатына қатысты сотқа дейінге тергеу басталды.
