Жұмысқа жаңадан орналасқан дәрігер науқастың 2 млн теңгесін қолды қылған
142
Алматыда жұмысқа жаңадан тұрған медициналық қызметкері науқастың 2 миллион теңгесін ұрлап кеткен, - деп "Opennews.kz" ақпарат агенттігі Polisia.kz сайтына сілтеме жасап.
Тергеушілердің айтуынша, 32 жастағы күдіктіге жұмысқа орналаса салысымен бірден науқасқа қарау тапсырылған. Ол науқастың телефонында құпия сөз жоқ екенін байқап, осы сәтті пайдаланып, банктік қосымшасын пайдаланып, шотындағы 2 миллион теңгесін өзіне аударып алған.
Күдікті ұсталып, қылмысын мойындады. Жауап алу кезінде ер адам арнайы мекеме арқылы жұмысқа орналасқанын айтқан. Оның басқа да қылмыстарға қатысы бар-жоғы тексерілуде.
