Қаржы саласының мамандары марапатталды

15 қараша 2024, 10:20

1 856

15 қараша – Ұлттық валюта күніне орай қала әкімдігінде салтанатты жиын өтті, - деп хабарлайды "Opennews.kz" ақпарат агенттігі.

Қазақстан Республикасында 1993 жылы 15 қарашада алғаш рет ұлттық валюта – теңге айналымға енгізілген күн. Осы күннен бастап Қазақстанның экономикасында теңге өз рөлін атқаруды бастады және ол елдің экономикалық дербестігін білдіретін маңызды символға айналды.

Ұлттық валюта күнін атап өту мақсаты – теңгенің ел экономикасындағы орны мен маңыздылығын насихаттау, қаржылық сауаттылықты арттыру, сондай-ақ ұлттық валютаны қорғау мен оны дұрыс пайдалану қажеттілігіне назар аудару.

Қазақстан Теңгесі 1993 жылдың 15 қарашасында айналымға енгізілгеннен кейін, ұлттық валюта еліміздің тәуелсіздігімен тығыз байланысты болып қалды. Сол уақыттан бері теңге елдің экономикасын дамытуда, халықаралық саудада және қаржы жүйесінде маңызды рөл атқарып келеді.

Ұлттық валюта күнінде қаржылық және экономикалық салалардағы жетістіктерді атап өту, сонымен қатар азаматтарға қаржылық білім мен ұлттық валютаға деген құрметті арттыру бағытында түрлі іс-шаралар ұйымдастырылады.

Шарада қала әкімінің орынбасары Дархан Тұрсынбаев қаржы саласының бірқатар қызметкеріне қала әкімінің «Алғыс хатын» табыстап, мерекелік лебізін білдірді.

Еліміздің экономикалық қуатын еселеп, тұрғындардың әлеуметтік жағдайын арттыру қаржы саласындағы жемісті еңбекпен тікелей байланысты. Бүгінгі таңдағы бұл жетістіктерге қызылордалық қаржы саласы қызметкерлерінің де қосқан үлесі аз емес. Осы орайда Сіздерді кәсіби мерекелеріңізбен шын жүректен құттықтаймын. Еңбектеріңіз әрдайым табысты бола берсін. Ел игілігі жолында қарышты қадаммен жаңа жетістіктерге жете беріңіздер, - деді Дархан Есалыұлы.

Айта кету керек, ұлттық валютамыздың айналымға енуі - Қазақстанның экономикалық кеңістігін қалыптастырып, халықаралық аренада танылуына ерекше әсер етті. Күрделі кезеңдерді еңсере отырып, Теңгені енгізу арқылы қаржылық тәуелсіздікке жол ашылды.

Бұл шара Қазақстанның қаржылық жүйесіндегі маңызды күнді атап өту және ұлттық валюта – теңгенің ел экономикасындағы рөлін дәріптеу мақсатында ұйымдастырылды.

Салтанатты жиынға қала әкімдігінің өкілдері, қаржы саласының мамандары, кәсіпкерлер мен тұрғындар қатысты. Іс-шара барысында ұлттық валюта күніне байланысты айтулы сөздер айтылып, теңгенің Қазақстан тәуелсіздігінің символы әрі ұлттық экономиканы нығайтудағы маңызы ерекше екені атап өтілді.

Жиын барысында Қызылорда қаласының қаржы және экономика саласындағы жетістіктері сөз болып, Қазақстанның тәуелсіздік жылдарында ұлттық валюта айналымы мен қаржы жүйесінің дамуының негізгі кезеңдері қаралды. Сонымен қатар, қаржылық сауаттылықты арттыру, ұлттық валютаны қорғау және оны дұрыс пайдалану мәселелері талқыланды.

Ұлттық валюта күні – Қазақстанның экономикалық дербестігін паш ететін әрі қаржылық тұрақтылықты қамтамасыз ету үшін маңызды күн болып табылады. Қалада өткен жиын осы күннің мән-маңызын ескеріп, азаматтарды қаржылық білім алуға, теңгенің қадірін түсінуге шақырды.