Қызылордада әйел адам балаларын дағдарыс орталығына тастап, қыдырып жүрген
1 483
Қызылордада әйел адам балаларын дағдарыс орталығына тастап, қыдырып кеткен, - деп хабарлайды "Opennews.kz" ақпарат агенттігі.
Іс материалдарына сәйкес, әйел адам балаларына тиісті күтім мен көңіл бөлмей қыдырып кеткен, соның салдарынан әкімшілік құқық бұзушылық жауапкершілікке тартылды.
Белгілі болғандай, бұл оқиға азамашаның бірінші әрекеті емес. Ол өткен жылы да осыған ұқсас құқық бұзушылық үшін жауапқа тартылған, алайда өз міндеттеріне салғырт қарап отырған.
«Сотта азаматша әкімшілік құқық бұзушылық туралы хаттамамен келісіп, жасаған әрекетіне өкініш білдіріп, алдағы уақытта бұл әрекетті қайталамайтынын айтты», - деп хабарлады сот.
Сот азаматшаны Қазақстан Республикасы ӘҚБтК-нің 127-бабының 2-бөлігімен кінәлі деп таныды. Әйелге 41 286 теңге айыппұл салынды.
