Әлдекімдер жаңа LRT вагондарына бояумен сурет салып кеткен
1 601
Астана қаласында әлдекімдер жаңа LRT вагондарына бояумен сурет салып кеткен,- деп хабарлайды "Opennews.kz" ақпарат агенттігі.
Желіде Нұрсұлтан Назарбаев әуежайындағы станцияда тұрған LRT вагондарының суреттері жарияланды. Вагондардың сыртына граффити салынған.
City Transportation System (CTS) компаниясы аталған жағдайға қатысты пікір білдіріп, ақпаратты растады.
"Ақпарат құқық қорғау органдарына берілді. Аталған факті бойынша қылмыстық іс қозғалды", – делінген CTS компаниясының хабарламасында.
