Көлік вице-министрі Сәтжан Аблалиев пара алды деген күдікпен ұсталды
Ұлттық қауіпсіздік комитетінің Сыбайлас жемқорлыққа қарсы іс-қимыл қызметі көлік вице-министрі Сәтжан Аблалиевті пара алды деген күдікпен ұстады, - деп хабарлайды "Opennews.kz" ақпарат агенттігі.
Сыбайлас жемқорлыққа қарсы іс-қимыл қызмет Сәтжан Аблалиевті сот санкциясымен қамауға алды.
“Қылмыстық-процестік кодекстің 201-бабына сәйкес өзге ақпарат жария етуге жатпайды”, – деп мәлімдеді Ұлттық қауіпсіздік комитеті.Еске салайық, бұған дейін БАҚ көлік вице-министрі Сәтжан Аблалиев ұсталғанын жарыса жазған еді.
Сатжан Аблалиев 1970 жылы Атырау облысында дүниеге келген. Алматы автомобиль-жол институтын және Қазақ көлік және коммуникация университетін тәмамдаған.
Ол 2023 жылдың қазан айынан бастап көлік вице-министрі қызметін атқарып келеді. Бұған дейін Солтүстік Қазақстан облысы әкімінің орынбасары және Автомобиль жолдары комитетінде жұмыс істеген.
