Еңбекке жарамсыздық төлемі өзін-өзі жұмыспен қамтығандарға берілмейді
4 447
Өзін-өзі жұмыспен қамтығандарға еңбекке жарамсыздық төлемі беріледі деген жалған ақпаратқа қатысты министрлік үндеу жасады,-деп хабарлайды "Opennews.kz" ақпараттық агенттігі.
Соңғы уақытта әлеуметтік желілерде 2026 жылдан бастап өзін-өзі жұмыспен қамтыған азаматтарға уақытша еңбекке жарамсыздық бойынша төлемақы төленеді деген ақпарат тарады. Еңбек және халықты әлеуметтік қорғау министрлігі мәліметінше қазіргі қолданыстағы заңнамаға сәйкес төлем Мемлекеттік әлеуметтік сақтандыру қорының (МӘСҚ) қаражаты есебінен тек белгілі бір жағдайларда ғана жүзеге асырылады.
Атап айтқанда:
еңбек қабілетінен айырылу;
асыраушысынан айырылу;
жұмысынан айырылу;
жүктілік пен босану;
бала күтіміне байланысты табыстан айырылу (1,5 жасқа дейін).
Уақытша еңбекке жарамсыздыққа (мысалы, науқастанған кезде) байланысты төлемдер тек жалдамалы жұмыскерлерге қарастырылған. Ал өзін-өзі жұмыспен қамтыған азаматтар мұндай төлемдерге құқылы емес, өйткені олар міндетті әлеуметтік сақтандыру жүйесіне қатыспайды және тұрақты жарна төлемейді. Министрлік мұндай ақпаратқа сенбеуге және тек ресми дереккөздерге жүгінуге шақырады.
