Жасөспірімдер арасындағы жанжал өліммен аяқталды

Жамбыл облысының Байзақ ауданында кәмелетке толмаған баланың өліміне қатысты тергеу жүріп жатыр, - деп хабарлайды  Opennews.kz ақпарат агенттігі.

Оқиғаға қатысы бар жасөспірім ұсталды.

Алдын ала мәлімет бойынша, оқиға 3 қазан күні сағат 22:00 шамасында Байзақ ауылында болған. Кәмелетке толмағандар арасында жанжал туындап, соңы төбелеске ұласқан. Салдарынан 2011 жылы туған жасөспірім дене жарақатын алған. Кейін ол алған жарақаттарынан көз жұмған.

Аталған факті бойынша Қылмыстық кодекстің 106-бабы 3-бөлігі («Денсаулыққа қасақана ауыр зиян келтiру, абайсызда жәбірленушінің өліміне әкеп соғу») бойынша қылмыстық іс қозғалды.